Qozogʻistonda kripto markazi ochiladi 🇰🇿

Qozogʻiston rasmiylari raqamli aktivlar va fiat toʻlovlar tranzaksiyalarini nazorat qilishga moʻljallangan Milliy kriptovalyuta tahlil markazini tuzish rejalarini eʼlon qildi. Ushbu tashabbus haqida mamlakat Milliy banki rahbari Timur Suleymenov hukumat yigʻilishida maʼlum qilgan.

Yangi tuzilma Markaziy bankning SupTech nazorat platformasi bazasida barpo etilib, uning mavjud Firdibgarlikka qarshi kurashish markaziga ulanadi. Tizim mijozlar maʼlumotlari, hamyonlar va oʻtkazmalarni hamda tranzaksiyalarning ham fiat, ham kriptovalyuta qismlarini chuqur tahlil qilish imkoniyatini beradi.

Markaz taqdim etadigan tekshiruv vositalaridan tijorat banklari, huquqni muhofaza qilish idoralari va litsenziyaga ega raqamli aktivlar provayderlari foydalanishi mumkin boʻladi. SupTech platformasi ilgari ham raqamli bozorlarni nazorat qilish va avtomatlashtirish jarayonlari uchun Markaziy bank tomonidan rivojlantirib kelingan edi.

Soʻnggi yillarda Qozogʻiston raqamli valyutalar sohasida davlat nazoratini kuchaytirib, faqat qonuniy va tartibga solinadigan xizmatlar faoliyatini qoʻllab-quvvatlamoqda. Mamlakatda litsenziyasiz ishlayotgan va noqonuniy xizmat koʻrsatuvchi onlayn platformalarni blokirovka qilish hamda ularning faoliyatiga chek qoʻyish boʻyicha keng koʻlamli choralar amalga oshirilib kelinmoqda.