Oqqўrg'onda yosh kelin-куёв vafot etdi 🚨

Toshkent viloyatining Oqqo'rg'on tumanida yosh kelin-kuyov is gazidan zaharlanib vafot etgani haqida xabarlar tarqaldi. Ilgari surilgan ma'lumotlarga ko'ra, mazkur ko'ngilsiz hodisa bir necha kun avval yuz bergan va yoshlar isitish uchun gaz pechidan foydalanishgan.

Hozirgi vaqtga qadar Favqulodda vaziyatlar vazirligi ushbu holat yuzasidan rasmiy ma'lumot taqdim etgani yo'q. Qishloq hududlarida hamda tabiiy gaz va elektr ta'minotida uzilishlar kuzatiladigan ko'plab xonadonlarda shubhali isitish pechlari, ko'mir va tappilardan foydalanish odatiy holga aylangani qayd etilmoqda.

Mutaxassislar bunday turdagi pechlarga gaz quvurlarini to'g'ridan-to'g'ri ulab uyni isitish xavfsizlik talablariga umuman javob bermasligini va xavfsizlikka kafolat berolmasligini eslatib o'tishadi. Biroq aholi sovuq ob-havodan himoyalanish tashvishida ko'pincha asosiy xavfsizlik qoidalariga e'tibor bermay qo'ymoqda.

Mazkur fojia tafsilotlari va uning sabablari bo'yicha rasmiy idoralarning qo'shimcha bayonotlari kutilmoqda. Aholidan isitish mavsumida barcha ehtiyotkorlik choralariga qat'iy amal qilish so'raladi.