Senat ovoz berishidan so'ng 571 mln $ yo'qotildi 📉

AQSh Senatining 15-sentabr kuni CLARITY Act qonun loyihasini ma'qullay olmagani kriptovalyuta bozorida keskin o'zgarishlarga sabab bo'ldi. CoinGlass tahlillariga ko'ra, so'nggi 24 soat ichida birjalarda o'sishga tikilgan taxminan 571 million dollarlik fyuçers pozitsiyalari majburiy ravishda yopib yuborilgan. Ushbu ko'rsatkich 22-avgustdan beri kuzatilgan eng yuqori darajadagi likvidatsiya to'lqini bo'ldi.

Mazkur keskin pasayish ortidan eng katta zarba yetakchi aktivlarga to'g'ri keldi. Xususan, Bitcoin va Ether pozitsiyalari egalari har biri taxminan 190 million dollardan mablag' yo'qotgan. Shuningdek, XRP bo'yicha likvidatsiyalar 30 million dollar atrofida bo'lgan bo'lsa, Solana yo'qotishlari 22 million dollarni tashkil qildi. Shu davrda pasayishga o'ynagan qisqa pozitsiyalar esa taxminan 100 million dollarni tashkil etgan.

Bozor ishtirokchilari ovoz berish jarayonidan oldin narxlar yana ham oshishini kutib, shunga yarasha pozitsiyalar ochgan edi. Haftaning boshida Bitcoin 80 000 dollarga yaqinlashgan, tahlilchilar esa qonun loyihasi qabul qilinsa, Ether va DeFi tokenlari foyda ko'rishini taxmin qilishgandi. Biroq Senatdagi ovoz berish natijalari kutilganidan boshqacha chiqdi.

Rasmiy ma'lumotlarga ko'ra, H.R. 3633 raqamli qonun loyihasini muhokama qilishni davom ettirish bo'yicha ovoz berish 49 ga 50 ovoz bilan muvaffaqiyatsiz yakunlangan. Senat qoidalariga ko'ra, muhokamani yakunlash uchun zarur bo'lgan uchdan ikki qism emas, balki uchdan besh qism ya'ni 60 ta ovoz talab etilar edi. Natijada loyiha yetishmayotgan 11 ta ovoz sababli ortda qoldi.