📱 Indoneziyada iPhone 16 taqiqlondi!

Osiyo davlatlarida mobil qurilmalarga nisbatan cheklovlar kuchaymoqda. Xususan, Indoneziya Apple kompaniyasining so'nggi iPhone 16 seriyasini hamda Google brendining eng yangi qurilmalarini sotishni rasman taqiqladi. Ushbu cheklovga mazkur smartfonlarning mamlakatda talab qilinadigan 40 foizli mahalliy tarkib talabini bajarmagani sabab bo'ldi.

Indoneziya qonunchiligiga ko'ra, xorijiy ishlab chiqaruvchilar o'z mahsulotlarini sotish uchun mamlakat hududida kamida 40 foiz mahalliy ulush ta'minlashi shart. Bu talabga butlovchi qismlarni ishlab chiqarish, dasturiy ta'minotni ishlab chiqish yoki ilmiy-tadqiqot markazlarini tashkil etish kabi jarayonlar kiradi. Ushbu shartni bajarmagani bois Apple va Google kompaniyalarining so'nggi flagmanlari bozorga kiritilmadi.

Qat'iy taqiqqa qaramay, ba'zi xaridorlar ushbu modellarni qo'lga kiritishga muvaffaq bo'lgan. Xususan, mamlakatga taqiq kuchga kirguniga qadar jo'natib yuborilgan 22 mingga yaqin Google Pixel telefonlari allaqachon foydalanuvchilarga yetib borgani ma'lum qilindi.

Mazkur choralar orqali Indoneziya hukumati xorijiy texnologiya gigantlarini mamlakatga ko'proq sarmoya kiritishga va elektronika ishlab chiqarish jarayonlarini mahalliy bozorga ko'chirishga undamoqda. Kelgusida umumiy hisobda 350 millionga yaqin mobil telefondan iborat bo'lishi kutilayotgan ushbu yirik bozor xorijiy kompaniyalar e'tiborini tortishda davom etmoqda.