Toncoin kursi 27% ga oshdi 🚀

Telegram asoschisi Pavel Durov o'z kanalida kompaniya The Open Network tarmog'ida markaziy rol o'z zimmasiga olishi va TON Foundation o'rnini egallashini ma'lum qildi. Ushbu bayonotdan so'ng Toncoin (TON) kriptovalyutasi narxi keskin ko'tarilib, bir kun ichida 27 foizga, oxirgi yetti kun ichida esa 40 foizga qimmatlashdi. Ayni paytda tanganing narxi 1,78 AQSh dollarini tashkil qilmoqda.

Durovning so'zlariga ko'ra, Telegram tarmog'dagi eng yirik validatorga aylanadi. Validator sifatida kompaniya blokcheynda tranzaksiyalarni tasdiqlash jarayonida qatnashadi, mukofotlar oladi hamda protokol bo'yicha qarorlarga sezilarli ta'sir ko'rsatadi. Ushbu strategik o'zgarishlar bilan bir qatorda tarmoqdagi texnik yaxshilanishlarga ham e'tibor qaratilmoqda. Xususan, tranzaksiya xarajatlari olti baravar qisqartirilib, deyarli nol darajasiga tushirilgani ma'lum qilindi.

Shuningdek, yaqin kunlarda yangi veb-sayt, dasturchilar uchun vositalar va ishlash unumdorligini oshiruvchi yangilanishlar taqdim etilishi kutilmoqda. TON Foundation'dan Telegram'ga to'liq o'tish jarayoni ikki-uch hafta ichida yakunlanishi ko'zda tutilgan. Ushbu qadam Toncoin'ni yuz millionlab foydalanuvchiga ega xabar almashish xizmatining biznes modeliga yanada chuqurroq integratsiya qilmoqda.

Mazkur kriptovalyuta allaqachon Telegram reklama platformasida reklamalar sotib olish uchun to'lov vositasi sifatida qo'llanilmoqda. Shu bilan birga, platformadagi kanal egalari o'z daromadlarining 50 foizini aynan Toncoin ko'rinishida olib kelishmoqda.