Symbiosis protokoli xakerlik hujumidan so'ng 15 bitkoinni qaytardi 🛡️

Symbiosis loyihasi jamoasi yaqinda yuz bergan xakerlik hujumi tafsilotlari va ko'rilgan zararlar hajmini ma'lum qildi. Hodisa vaqtida tajovuzkor BridgeV2 smart-kontraktidagi zaiflikdan foydalangan. Loyoya vakillarining tan olishicha, bu holat nominal qiymati milliardlab dollarni tashkil etuvchi juda ko'p miqdordagi ta'minlanmagan syBTC sintetik tokenlarini chiqarish imkonini bergan. Shunga qaramay, dasturchilar ko'prik ta'minotida bo'lgan 15 ga yaqin bitkoinni izolyatsiya qilishga muvaffaq bo'lishdi.

Oqibatda haqiqiy zarar dastlab kutilganidan sezilarli darajada kam bo'lib chiqdi. Haker platforma orqali qiymati taxminan 336 000 dollarga teng bo'lgan 4,39 ga yaqin WBTC tokenlarini Uniswap v4 yordamida almashtirishga ulgurgan xolos. Hozirgi vaqtda qaytarib olingan 15 ta bitkoin to'liq ravishda loyiha jamoasining nazoratidagi hamyonda saqlanayotgani ta'kidlandi.

Symbiosis vakillari litsenziya shartnomalariga asosan barcha jabrlangan hamkorlar bilan bevosita bog'lanishayotganini bildirishdi. Shuningdek, ular kompensatsiya tizimini ishlab chiqayotgani va yaqin orada uning mezonlarini e'lon qilishini qo'shimcha qildi. Qolaversa, loyiha jamoasi qolgan aktivlarni qaytarishda yordam beradigan ma'lumot taqdim etgan har qanday shaxsga mablag' miqdorining 20 foizi hajmida mukofot taklif qilmoqda.

Shu bilan birga, kriptovalyuta olamidagi boshqa xavfsizlik hodisalariga ham to'xtalib o'tildi. Avvalroq xakerlar Liquid tarmog'i hamyoniga qiymati qariyb 270 million dollarlik 3400 ta bitkoinni qaytargani ma'lum qilingandi. Bungacha esa jinoyatchilar mazkur tarmoqdan qariyb 320 million dollarlik 4000 ta bitkoinni chiqarib yuborgan edi. Ushbu mablag'larning qaytarilgani haqida JAN3 kompaniyasi bosh direktori va Blockstream sobiq top-menejeri Samson Mou xabar bergan edi.