Rim papasi AQSh saylovlari haqida 🗳️

Rim papasi Fransisk Osiyodagi 12 kunlik safaridan Rimga qaytayotgan samolyotda jurnalistlar bilan suhbatlashdi va AQSh prezidentlik saylovlariga munosabat bildirdi. U respublikachi Donald Tramp hamda demokrat Kamala Xarrisning siyosatiga keskin tanqidiy baho berdi. Pontifikning fikricha, ikkala nomzod ham hayotga qarshi siyosat yuritmoqda.

Papmaning Trampga e’tirozi uning qattiqqo‘l immigratsiya siyosatiga qaratildi. Xususan, noqonuniy migrantlarni mamlakatdan chiqarib yuborish va’dalari tanqid qilindi. U muhojirlarga ish bermaslik, ularni quvib chiqarish va kutib olmaslik og‘ridigan gunoh ekanligini ta’kidladi.

O‘z navbatida, Kamala Xarris ham Papa nazaridan chetda qolmadi. Oliy sud qaroridan keyin abort huquqlarini tiklashga va’da bergan Xarrisning pozitsiyasi pontifik tomonidan qoralandi. U abortni bolalarni o‘ldirish deb atab, o‘zining o‘zgarmas qarashlarini yana bir bor eslatib o‘tdi.

Fransisk o‘zi amerikalik emasligi va ovoz bermasligini alohida qayd etdi. Shunga qaramay, u saylovchilar oldida jiddiy axloqiy tanlov turganini aytdi. Papa har bir fuqaro o‘z vijdoniga tayanib, ikkita yomonlikdan eng kichigini o‘zi tanlashi lozimligini ta’kidladi.