💄 Ниқоб остидаги макияжни кўрсатиш усули

Карантин қоидаларига қатъий амал қилиш талаб этиладиган даврда турли қизиқарли ва креатив ечимлар пайдо бўлмоқда. Шундай вазиятлардан бирида доимо ўзига алоҳида оро бериб юрадиган қиз тиббий ниқоб тақишдан норози экани маълум бўлди. Бунга сабаб юзнинг катта қисмини ёпиб турадиган ҳимоя воси унинг чиройли макияжини кўринмай қолишига сабаб бўлаётгани эди. Бироқ у бу муаммодан чиқишнинг жуда ўзига хос йўлини топишга қарор қилди.

Кўпчилик бундай пайтда ниқобдан умуман воз кечиш мумкин деб ўйлаши табиий, аммо мавжуд қалтис вазиятда бунинг имкони йўқ эди. Шу сабабли қаҳрамонимиз ҳеч кимнинг хаёлига келмаган ноодатий пардоз усулини қўллашга қарор қилди. У ниқоб остида кўринмай қолган лаб, бурун ва ёноқ қисмларини ниқобнинг ташқи юзасига қайтадан чизишга қарор қилди.

Бунинг учун у косметик воситаларни бевосита ҳимоя ниқобининг устига суртди. Дастлаб ниқобга тонал крем суртилиб, унинг ранги юз терисига мослаштирилди. Юз ва ниқоб чегаралари бир хил кўриниши учун узоқ вақт ҳаракат қилинди ва махсус воситалар ёрдамида бурун ҳамда ёноқ шакллари қайта ишланди.

Жараённинг сўнгги босқичида ниқоб юзасидаги лаб шакли алоҳида бўяб чиқилди. Натижада қиз ҳам карантин қоидаларига риоя қилиб касалликдан ҳимояланди, ҳам ўз макияжини бошqalarga кўрсатиш имкониятини сақлаб қолди.