GTA VI uslubidagi DualSense drayveri 🎮

Sony kompaniyasi Rockstar Games bilan hamkorlikda tayyorlangan va mashhur GTA VI oʻyiniga bagʻishlangan DualSense boshqaruv pultining maxsus versiyasiga oldindan buyurtmalar ochdi. Savdolar boshlanishi bilanoq PlayStation Direct platformasi jiddiy yuklamaga duch keldi, chunki minglab foydalanuvchilar yangi mahsulotni qoʻlga kiritishga intilmoqda.

AQShdagi xaridorlar buyurtma rasmiylashtiriladigan sahifaga kirish uchun virtual navbatda bir soatdan ziyod vaqt kutishga majbur boʻlmoqda. Ayrim xorijiy davlatlarda esa vaziyat yanada murakkab boʻlib chiqdi, yaʼni savdo sayti nosozliklar bilan ishlayapti yoki umuman ochilmayapti.

Oʻtgan haftada namoyish etilgan ushbu qora va oq rangli geympad oʻziga xos tovlanuvchi qoplama va yangi oʻyin elementlarini oʻz ichiga olgan dizaynga ega. Ishlab chiqaruvchi maʼlumotiga koʻra, rasmiy saytdagi savdolardan keyin mahsulot boshqa sotuvchilar orqali ham sotila boshlaydi va uning chakana savdosi yaqin kunlarda boshlanishi rejalashtirilgan.

Qurilmaning narxi AQSh hududida 85 dollar, Yevropada esa 85 yevro etib belgilandi. Mazkur geympad cheklangan miqdorda chiqarilayotgani bois, rasmiy savdolar tugagandan soʻng uni dastlabki narxda sotib olish qiyinlashishi mumkin, biroq kompaniya umumiy adad qancha ekanligini hozircha oshkor etgani yoʻq.