PlayStation Kojima loyihasidan voz kechdi 🎮

Hideyo Kodjimaning nomi 1998-yildan beri PlayStation platformasi bilan chambarchas bog'liq bo'lib kelgan. Biroq, PlayStation Studios hech qanday oldindan ogohlantirishsiz Kodjima Productions bilan hamkorlikda yaratilayotgan «PHYSINT» nomli jangovar-josuslik loyihasini bekor qildi. Bu haqda rejissyorning o'zi ommaga bayonot berdi.

2026-yil 10-sentyabrda Xbox Game Studios mazkur o'yinni nashr etishini tasdiqladi va bu holat Sony uchun jiddiy obro' masalasiga aylandi. Aslida loyiha 2024-yil yanvar oyida PlayStation hamkorligida e'lon qilingan edi. Kodjomaning ta'kidlashicha, iyun oyi o'rtalarida PlayStation Studios'dan kutilmagan xat kelgan va loyiha yopilgani ma'lum qilingan. Shundan so'ng Kodjima Productions uch oylik qidiruvdan so'ng Xbox bilan kelishuvga erishgan.

Sony kompaniyasi bu qarorni qisqacha izohlab, chuqur o'ylanganidan so'ng Kodjima Productions bilan hamkorlikni to'xtatishga qaror qilganini bildirdi. Biroq moliyaviy yoki ijodiy sabablar haqida hech qanday aniqlik kiritilmadi. Xbox rahbari Asha Sharma esa Kodjimaning ijodiy yondashuvini qo'llab-quvvatlashdan mamnun ekanini ta'kidlab, hamkorlik faqat o'yin bilan cheklanmagani va kino hamda televideniye sohalarini ham qamrab olishini ma'lum qildi.

Tahlilchilarning fikricha, «Death Stranding 2: On the Beach» o'yinining savdo ko'rsatkichlari Sony kompaniyasini qoniqtirmagan bo'lishi mumkin. Mustaqil tahlilchilar o'yin PS5 va ShKda 2 milliondan ortiq nusxada sotilib, qariyb 150 million dollar daromad keltirganini taxmin qilishmoqda. Shunga qaramay, na Sony va na Kodjima bu savdo natijalari «PHYSINT» loyihasining yopilishiga sabab bo'lganini tasdiqlagan.