Kripto reklama xarajatlari 90% dan ziyon kamaydi 📉

Sensor Tower bozor tadqiqotlari kompaniyasi tomonidan taqdim etilgan soʻnggi maʼlumotlarga koʻra, butun dunyo boʻylab kriptovalyuta brendlarining umumiy reklama xarajatlari misli koʻrilmagan darajada, yani 90 foizdan koʻproqqa qisqargan. Ushbu pasayish yirik sanoat vakillarining marketing byudjetlarida yaqqol namoyon boʻlmoqda.

Xususan, taniqli Crypto.com platformasining reklama uchun sarflaydigan mablagʻlari 2021-yilning noyabr oyidagi 15 million dollar hamda yanvar oyidagi 40 million dollardan joriy yilning may oyiga kelib atigi 2,1 million dollargacha pasayib ketdi. Shunga oʻxshash tendensiya Gemini Trust kompaniyasida ham kuzatilib, uning xarajatlari oʻtgan yilning noyabridagi 3,8 million dollardan may oyida 478 ming dollargacha kamaydi.

The Wall Street Journal nashrining yozishicha, tahlilchi Dennis Yeh mazkur holatga izoh berarkan, keng jamoatchilikning umumiy makroiqtisodiy barqarorlik va kelajakka boʻlgan ishonchi pasayib ketganini taʼkidladi. Aynan mana shu omil kriptovalyuta industriyasiga boʻlgan umumiy qiziqish va ishtirokning keskin tushishiga olib kelgan.