🎬 VK Video NeuroHD texnologiyasini taqdim etdi

VK Video xizmati videolarning sifati va tasvir tiniqligini oshirishga mo‘ljallangan yangi NeuroHD texnologiyasini jamoatchilikka eʼlon qildi. Mazkur ishlanma videolarni ikki baravar yuqori aniqlikka o‘tkazish, ulardagi mayda detallarni qayta tiklash hamda tasvirdagi turli shovqinlarni bartaraf etish imkoniyatiga ega. Ushbu imkoniyatdan foydalanuvchilar VKontakte hamda Odnoklassnik ijtimoiy tarmoqlariga yuklangan kontentlarni tomosha qilish vaqtida real vaqt rejimida foydalana oladilar.

Dasturchilarning taʼkidlashicha, NeuroHD texnologiyasi zamonaviy HD kameralar ommalashishidan oldin yaratilgan eski havaskorlik videolari hamda professional roliklarni ham yuqori sifatda ko‘rish imkonini beradi. Ushbu tizimning asosini generativ-sotsiativ tarmoqlar (GAN) oilasiga mansub ilg‘or neyrotarmoq tashkil etadi. Bunday neyrotarmoqlarning ishlash prinsipi ikkita modelning o‘zaro hamkorligiga asoslanadi: biri kattalashtirilgan tasvirlarni hosil qilsa, ikkinchisi ularning asl nusxadan farq qilmasligini tekshirib boradi.

VK jamoasi ushbu texnologiyani yaratishda ayniqsa videolarni siqish natijasida yuzaga keladigan artefaktlarni yo‘q qilishga alohida eʼtibor qaratdi. VKontakte, VK Video va VK Zvonki texnologik direktori Aleksandr Tobolning so‘zlariga ko‘ra, foydalanuvchilar orasida video qidiruvidagi yuqori sifat filtri ommalashgani sababli shunday ML-texnologiya ishlab chiqilgan. U videolarni real vaqt tezligida o‘zgartirib, platforma hamda mijoz qurilmalari resurslaridan samarali foydalanishni taʼminlaydi.

NeuroHD sozlamalari, o‘quv maʼlumotlari va infratuzilma yechimlarining o‘ziga xos uyg‘unligi tufayli VK Videoning 40 million foydalanuvchisi endilikda videolarni aslida past sifatli bo‘lgan taqdirda ham yuqori aniqlikda tomosha qilish imkoniga ega bo‘ldi. Mutaxassislar ushbu funksiya tomoshabinlar va mualliflar auditoriyasining faolligini oshiruvchi asosiy omillardan biriga aylanishini kutmoqda.