COVID-19 ва эшитиш қобилияти 🩺

Koronavirus infeksiyasini boshdan kechirgandan keyin ba’zi insonlarda eshitish qobiliyatining pasayishi kuzatilishi mumkin. Rossiyalik terapevt Nadejda Chernishova «Moskva 24» telekanaliga bergan intervyusida ushbu holat kimlarda ko‘proq uchrashini ma’lum qildi.

Mutaxassisning ta’kidlashicha, COVID-19dan so‘ng eshitish qobiliyati bilan bog‘liq muammolar asosan surunkali quloq xastaliklari bor bemorlarda yuzaga keladi. Bunday xastaliklar sirasiga o‘rta otit hamda aденоидlar kiradi. Shifokorning fikricha, kasallikning ilk yetti kuni davomida quloqlarni davolashdan naf yo‘q, chunki bu davrda baribir shish paydo bo‘lishi davom etadi.

Agar kasallikning yettinchi yoki o‘ninchi kunlariga kelib ham quloq bitishi yo‘qolmasa va eshitish qobiliyati yomonlashishda davom etsa, tegishli muolajalarni olish uchun shifokor-mutaxassisga uchrashish talab etiladi. Eshitish tizimi haqida gap borganda, mutaxassislar tovush o‘tkazuvchi va tovush qabul qiluvchi bo‘limlarni nazarda tutishadi.

Agar muammo tovush o‘tkazuvchi qismda, jumladan shish yoki tubo-otit sababli yuzaga kelgan bo‘lsa, bu vaqtinchalik hodisa sanaladi. Shifokorning tushuntirishicha, bunday kasalliklarga moyilligi bor kishilarda har qanday o‘tkir nafas yo‘llari infeksiyalari ham eshitishning vaqtincha pasayishiga olib kelishi mumkin, biroq keyinchalik bu holat muvaffaqiyatli davolanadi.