Stiven Kingning "Mahşer" romani kino bo'lmoqda 🎬

Stiven Kingning eng mashhur asarlaridan biri bo'lgan "The Stand" (Mahşer) romani kinoteatrlar uchun moslashtirilmoqda. Asar syujetiga ko'ra, dahshatli epidemiya Yer yuzi aholisining 99 foizini qirib yuboradi va omon qolganlar o'rtasidagi hayot-mamot kurashi boshlanadi. Hikoya davomida 108 yoshli saxovatpesha Abagail ona tomonidan birlashtirilgan kichik guruh insoniyat taqdirini hal qiluvchi to'qnashuvda yovuz Randal Flagg va uning tarafdorlariga qarshi kurashga kirishadi.

Aslining hajmi ming sahifadan oshadigan bu epik roman oddiy epidemiya haqidagi hikoyadan boshlanib, yaxshilik va yomonlik o'rtasidagi mistik qarama-qarshilikka aylanadi. Shuning uchun ham uni bitta to'liq metrajli filmga o'tkazishdan ko'ra ko'p qismli serialga moslashtirish ko'proq mos keladi degan qarashlar mavjud. Shu bois rejissyor Doug Liman va uning ijodiy jamoasini nihoyatda og'ir vazifa kutib turibdi, chunki Liman butun ulkan hikoyani yagona filmga sig'dirishni rejalashtirmoqda.

Mazkur asar oxirgi marta 2020 yilda mini-serial formatiga keltirilgan edi. O'shanda loyihada Aleksandr Skarsgard, Vupi Goldberg, Jeyms Marsden va Amber Xerd kabi mashhur aktyorlar ishtirok etgandi. Ushbu yulduzli tarkib tomoshabinlarda katta qiziqish uyg'otganiga qaram-saram, yakuniy natija ko'pchilikning kutganini oqlay olmagan va ularni mamnun qilmagan edi. Bo'lajak kinoadaptatsiyada ham shunday xato takrorlanmasligiga umid qilinadi.