AQSh собиқ президенти: "Биз камбағал давлатмиз" 🇺🇸

AQShning sobiq prezidenti Donald Tramp amaldagi davlat rahbari Jo Bayden siyosatini keskin tanqid qilib, mamlakat hozirda boshqalardan yordam so'rashga majbur bo'lgan nochor davlatga aylanganini bildirdi. Bu haqda RT xabari asosida ma'lum qilindi.

Floridadagi talabalar konferensiyasida nutq so'zlagan siyosatchining fikricha, o'tgan atigi ikki yil ichida Qo'shma Shtatlar dunyodagi eng qudratli va hurmatga sazovor davlat maqomidan mahrum bo'lib, eng zaif davlatga aylandi va uni endi hech kim hurmat qilmayapti.

Shuningdek, Donald Tramp o'zining avvalgi davrini eslab, ikki yil muqaddar AQSh energetika sohasida Rossiya va Saudiya Arabistoni bilan bemalol raqobat olib borishga yaqin turganini qayd etdi. Biroq hozirgi vaziyat butunlay o'zgargani aytildi.

Sobiq prezident o'z nutqini yakunlar ekan, mamlakat bugungi kunda boshqalardan energiya manbalarini tilab va yordam so'rab yurgan kambag'al davlatga aylanganini ta'kidladi. Eslatib o'tamiz, avvalroq ham u AQSh iqtisodiyoti allaqachon tanazzulga yuz tutgani haqida fikr bildirgan edi.