"Daredevil: Born Again" treyleri chiqdi! 🎬

Mashhur "Daredevil" olami muxlislari uchun quvonchli xabar: "Daredevil: Born Again" serialining uzoq kutilgan treyleri omma e'tiboriga havola etildi. Mazkur yangi loyiha Netflix telekanalida namoyish etilgan asl serialning bevosita davomi sifatida suratga olingan bo'lib, voqealar rivojini davom ettiradi.

Bosh qahramon Mett Myordok rolini yana bir bor aktyor Charli Koks ijro etmoqda. Shuningdek, tomoshabinlarga tanish bo'lgan Vinsent D'Onofrio, Debora Enn Voll va Elden Henson kabi aktyorlar ham o'zlarining avvalgi rollariga qaytishmoqda. Bundan tashqari, Jon Bernthal yana bir bor Panyusher obrazida ekranda ko'rinish beradi.

Serialning asl versiyasidan asosiy farqli jihati shundaki, bu safar loyihani Steven S. DeKnight boshqarmayapti. Avvalgi shou-runner Marvel kompaniyasi bilan kelishmovchiliklar sababli bu galgi ishda qatnashmadi. Marvel yangi serialni boshqarishni ilgari "The Punisher" loyihasi ssenariy guruhida ishlagan Dario Skardapane ishonib topshirdi.

"Daredevil: Born Again" serialining premyerasi 4 mart kuni Disney+ striming xizmatida bo'lib o'tadi. Ma'lum qilinishicha, ko'p qismli mazkur loyihaning ilk mavsumi jami to'qqizta qismdan iborat bo'ladi.