Eng qimmat NFT kolleksiyalari va savdo natijalari 📊

Raqamli aktivlar olamida o'zgarmas tokenlar ya'ni NFT'lar an'anaviy kriptovalyutalardan tashqari yangi yo'nalish sifatida jadal rivojlanib kelmoqda. Ular san'at asarlari, musiqa, videolar va hatto raqamli yer maydonlariga bo'lgan egalik huquqini tasdiqlovchi noyob raqamli aktivlar hisoblanadi. CoinMarketCap taqdim etgan ma'lumotlarga ko'ra, eng qimmat narxlarda sotilgan individual aktivlar va kolleksiyalar maxsus jadval orqali tartiblanadi.

Bozordagi eng mashhur kolleksiyalar qatoriga Bored Ape Yacht Club, CryptoPunks, Azuki va Art Blocks kiradi. Ushbu loyihalarning umumiy bozor kapitalizatsiyasi 6,5 milliard dollardan oshadi. Ularning qiymati buqalar bozori cho'qqisida millionlab dollarlarga yetgan edi.

NFT bozoridagi asosiy ko'rsatkichlarga e'tibor qaratish muhimdir. Birinchidan, flor-prays bu kolleksiyadagi sotuvga qo'yilgan eng past narhdagi NFT hisoblanadi. Ikkinchidan, bozor kapitalizatsiyasi muomaladagi barcha tokenlarning umumiy qiymatini bildiradi. Uchinchidan, savdo hajmi muayyan vaqt oralig'ida oldi-sotdi qilingan tokenlar sonini ko'rsatadi.

Tarixdagi eng yirik savdolardan biri 2021-yil dekabr oyida ro'y bergan. O'shanda Pak taxallusli raqamli rassomning "Merge" nomli asari Nifty Gateway auksionida 91,8 million dollarga sotilgan edi. Mutaxassislar flor-prays va savdo hajmi kabi statistik ma'lumotlardan foydalanish bozor tendentsiyalarini tushunish va kelgusidagi narxlarni bashorat qilishga yordam berishini ta'kidlaydilar.