🥇 Dalaloyan faoliyatini yakunlamaydi

Sport gimnastikasi boʻyicha olimpiya chempioni Artur Dalaloyan yaqin kelajakda professional faoliyatini yakunlash niyati yoʻqligini maʼlum qildi. Avvalroq OAVda 27 yoshli sportchining tez orada oʻz faoliyatiga yakun yasashi mumkinligi haqida xabarlar tarqalgan edi. Biroq rossiyalik gimnastikachining oʻzi bu mish-mishlarni inkor etib, hozirgi kunda butun eʼtiborini kelgusi musobaqalarga qaratganini taʼkidladi.

Sportchining fikricha, oldinda turgan mavsum juda qizgʻin va musobaqalarga boy oʻtadi. Xususan, BRIKS oʻyinlari hamda Butunjahon doʻstlik oʻyinlari yuqori darajada qiziqarli boʻlishi kutilmoqda. Artur Dalalolanning soʻzlariga koʻra, mazkur yirik xalqaro musobaqalarda ishtirok etishni allaqachon koʻplab davlatlar tasdiqlab ulgurgan.

Maʼlumot oʻrnida, Artur Dalaloyan Yaponiya poytaxti Tokio shahrida boʻlib oʻtgan 2020 yilgi Yozgi Olimpiya oʻyinlarida jamoaviy koʻpkurash yoʻnalishida chempionlik unvonini qoʻlga kiritgan. Eʼtiborli jihati shundaki, u oʻsha nufuzli musobaqada juda ogʻir jarohat olganiga qaramay, muvaffaqiyatli qatnashib, mamlakatiga oltin medalni taqdim etgan edi.